शेखावाटी रो बांकुड़ो

सैनिक बणु माँ,भारत माँ रो 

वर्दी परण रो चाव घणों।।

सीमा प्रहरी  महि रो बेटो 

जाण देश रो जणों-जणों।।

लूँ रा झोंका बणे साथिड़ा

थार थपेड़ा हैं बापू।

पूत धोराँ रो माटी जायो 

सीमा ऊँट पैरा  नापू।

साथ घणेरो दे आशीषा 

जीवण कद जाणो थकणों।।

मरुधरा र मनड़े रो मणको 

माणस जगाऊं सुतेडा।

वीर फोगाँ रा हेलो मारे 

फूला उचके टूटेड़ा।

सूर वीर योद्धा कह लाऊं 

माथ टिको लोहित सोवणों।।

मातृ भूमि रो मान बढ़ाऊँ

जग माह ऊंचो नाम करुँ।

रीढ़ बणु मैं अपणे देश री 

इह जन्म एसो काम करुँ।

गळियाँ गूंजे मेर नाम री

आँखड़ल्यां रो है सुपणों।।

@अनीता सैनी 'दीप्ति'

शब्द =अर्थ

परण=पहनने 

चाव=इच्छा 

जाण=जानना 

जणों-जणों=प्रत्यक व्यक्ति 

घणेरो=बहुत ज्यादा 

थकणों=थकना 

मणको =मोती 

माणस=मानस 

सुतेडा=सोए हुए 

फोगाँ =बीहड़ भूमि 

हेलो=तेज आवाज 

टिको=तिलक 

अपणे=अपने 

बणु=बनु  

आँखड़ल्यां=आँखें 

सुपणों=स्वप्न