आखरी कागद

पुलवामा शहीदों की शहादत की तीसरी बरसी पर सादर श्रद्धांजलि!

 

गाँव पुकारे साथी म्हाने

हिवड़े आग ळगावे है।।

धुँधळी-धुँधळी गळियाँ दीसे

सुण! चौपाळ बुळावे है।।

आख्यां बाळू किणकी रड़के 

बाटा जोवे ब्यायेड़ी।

जेठ भीगियो चौमासे सो

छपरा टाटी टूटेड़ी।

काळजड़ा हिळकोरा उठ्ये 

गोड्या नींद सुळावे है।। 

ओल्यू ऊँटा टोळा सरीखी

धरती मनड़ तापड़ पड़े।

खुड़के रेवड़ टाळी बणके

गडरियो शब्दा सुर जड़े।

ढळतो सूरज मनड़ो मोस्ये 

आकुळ मन भरमावे है।।

तारा जड्यो आँचळ ओढ्या 

झोंका लेख लारे खड़ा।

बाँह पकड़ झुळाबै बैरी

काची कोंपळ ठूँठ जड़ा।

छोड़ घरौंदा पाखी उडिया

माँ, लाडो बिळखावे  है।।

@अनीता सैनी 'दीप्ति' 

शब्दार्थ 

ळगावे-लगाना 

धुँधळी-धुँधळी=धुँधली-धुँधली 

गळियाँ-गलियाँ  

बुळावे-बुलाना 

बाळू किणकी-रेत के कण 

ब्यायेड़ी-ब्याहता स्त्री 

काळजड़ा-हृदय ,कलेजा 

हिळकोरा-लहर 

गोड्या-गोदी 

सुळावे-सुलाना 

टोळा -समूह या टोला 

सरीखी-जैसे 

तापड़-पैरों की ध्वनि

ढळतो-ढलना 

लेख -विधना के लेख या लेखा 

लारे -पीछे 

बिळखावे-बिलखना